Palco da música, Coreto, Quiosc de música, Musika kioskoa, Quiosco de música, Templete de música, Palco dell'orchestra, Bandstand, Kiosque à musique, באַנדסטאַנד , Musikpavillon, منصة الفرقة الموسيقية , Orkestranın yeri, 涼亭, эстрада для оркестра, chioşc, Musikestrad, 野外ステージ, Muziektent, ಬ್ಯಾಂಡ್ಸ್ಟ್ಯಾಂಡ್, Muzikkiosko, चबूतरा, εξέδρα της μουσικής, Glorieta, Musikkpaviljongen, soittolava
Borela, Cerdedo-Cotobade, Pontevedra.
Palco hexagonal de pedra, situado sobre unha base cadrada, tamén de pedra, situado no desnivel a carón do adro da capela de San Roque, no lugar de Pazos. A varanda é de pedra.
Ten unha escaleira de tres chanzos de pedra sen varanda.
Non ten placa, nen gravado.
Vilanova de Arousa, A Coruña
Palco octogonal de pedra situado na praza de Xerardo Fernández Albor, en Vilanova de Arousa.
Ten unha escaleira de pedra e varanda metálica.
A cuberta é metálica e o teito de madeira.
Ten unha praca onde se pode ler: “Esta praza foi inaugurada polo conselleiro de política territorial, obras públicas e vivenda o excmo. sr. D. Alberto Núñez Feijoo, sendo presidente da Xunta de Galicia, o exmo. sr. D. Manuel Fraga Iribarne, Vilanova, Xuño de 2003”
Carracedo, Caldas de Reis, Pontevedra.
Palco de planta octogonal situado ao carón da igrexa dun cruceiro e cunha fonte nas proximidades.
Chátase nun lateral dun largo asfaltado, acompáñano un par de carballos. Ten tres chanzos para o acceso aproveitando o desnivel, os pes dereitos e a cuberta son metálicos, así como as varandas. A base é de sillería de pedra de granito.
Descoñecemos se se usa.
Lantaño, Portas, Pontevedra.
Palco rectangular situado ao carón da igrexa da capela de San Bieito, xusto na traseira do presbiterio, rodeado dunha pequena carballeira no núcleo de San Bieito.
Chátase sobre o muro de peche da carballeira sobre a estrada EP-8004. Ten basamento de pedra, incluso o chan da escea, catro pes de pedra que sosteñen a cuberta, con teito de madeira e cubrición de tella, balaustres de pedra e cadeas uníndoos pechan a escea.
Ten dúas placas que falan da unión de Lantaño coa música.
Descoñecemos se se usa.
Amil, Moraña, Pontevedra.
Palco de planta hexagonal situado na carballeira que acompaña ao santuario dos Milagres de Amil.
Ten tres chanzos para o acceso aproveitando o desnivel, o basamento é de cachotería de pedra cunha cornixa de remate, sobre este corpo colocouse unha ampliación que voa do perímetro orixinal realizada en formigón armado, tanto plataforma da escea como a cuberta, remátase cun pirindolo en forma de lira.
Descoñecemos se se usa.
Dornelas (San Martiño), Silleda, Pontevedra.
Palco octogonal situado nunha encrucillada que serve de largo das festas, acompáñano na contorna un cruceiro, un centro cultural e outro palco (de “tipo” escenario).
Ten base maciza e cubrición sobre estrutura de formigón. Está todo el enfuscado e pintado con elementos decorativos en entrepanos dos laterais da base e nos piares. O material da cuberta é a tella, rematada cun pirindolo de forxa. Ten escaleira de acceso e unha placa cun gravado “UNIÓN PARROQUIAL DE DORNELAS AÑO 1936”. O seu estado de conservación é regular.
Descoñecemos se se usa.
Chandebrito, Nigrán, Pontevedra
Palco de pedra de planta irregular situado no adro da igrexa de San Xosé de Chandebrito.
O palco está pegado a un muro que fai que o palco non sexa octogonal. O propio muro fai de varanda da parte traseira do palco.
A varanda é de pedra. Nun dos laterais ten unhas escaleiras tamén de pedra.
Non ten placas nin inscricións.
Rodeiro, Rodeiro, Pontevedra
Palco de planta octogonal situado na Avd. Gumersindo Areán a carón das piscinas municipais de Rodeiro.
Parece de recencente construcción realizado en pedra con varandas de forxa, teito de chapa e revestido polo interior con madeira e alumeado.
Descoñecese se se utiliza actualmente.
Santa María de Tebra, Tomiño, Pontevedra
Palco de pedra de planta irregular situado a carón da capela da Nosa Señora de Grixó.
O chan é de terra ao que se accede a través dunhas escaleiras de pedra. A varanda é de madeira.
Ten unha estrutura feita con paus de eucalipto a modo de teito.
Non ten pracas nin inscricións.
A festa celébrase en anos alternos entre a parroquia de Santa María de Tebra e a de Barrantes por existir un litixio de a que parroquia pertence, por estar no linde entre as dúas.
Tomiño, Tomiño, Pontevedra
Palco enfuscado octogonal situado no recinto de festas do Alivio, ao carón da igrexa de San Bieito.
O teito é de formigón pousado sobre columnas de pedra. O palco foi modificado para “ensanchalo porque non cabía a banda de música”. O palco era do tamaño de onde están agora as columnas.
Ten varanda metálica aberta só por onde se atopan as escaleiras.
Nun dos laterais pode lerse nunha praca: “Ano 1924”
Tanto o palco como o espazo atópanse en moi bo estado de conservación.
Úsase o día da festa para a liturxia relixiosa e para os concertos da banda de música, gaiteiro ou treboada.
