San Cibrán de Ribarteme, As Neves, Pontevedra.
Palco octogonal situado no campo de festas, xusto no linde coa estrada, e compartindo espazo cun palco escenario.
O torreiro está nas proximidades da igrexa, camposanto, peto de ánimas e un cruceiro de gran entidade.
Aínda con todos estes elementos arquitectónicos, algúns aspectos de urbanización como mobiliario e pavimentación fan que a contorna se viualice como degradada.
A base do palco é de pedra con esuinas apilastradas, con entrada ao seu espazo inferior e ocos de ventilación nos laterais.
A estrutura de cuberta e os pés dereitos son de formigón pintado de branco. A varanda é de forxa pintada en cor negra con liras decorativas en caras alternas.
O seu estado de conservación é bo.
Descoñécese se se usa.
