Lalín, Lalín, Pontevedra
Palco hexagonal de pedra situado ao carón da igrexa de Santa María das Dores.
A estrutura das varandas columnas e o tellado é toda da mesma cor verde. As varandas non chegan a tocar ás columnas.
Ten teito de madeira e contén instalación eléctrica. En cada esquina do teito sobresae unha figura da cabeza dun animal. Ten porta metálica para acceder á parte baixa. No curuto ten un catavento.
Nun dos laterais hai unhas escaleiras de pedra sen varanda.
Ten dúas placas nas que se di:
“Ao músico Luis Areán Taboada loitador da nosa cultura, amigo e militante da alegría. os mariñeiros no mare arman vela e arman vela… e eu tamén a vou armar. O pobo de Lalín 25-XI-2000”
“O pobo de Lalín, aos seus músicos, que tanto contribuíron ao longo dos anos á difusión da cultura deste concello. Lalín 30 de xaneiro de 2016”
O palco atópase nunha especie de praza que a rodea unha pequena grada con tres chanzos.
Ao lado hai un parque infantil.
Úsase nos días de festa.
